LABURPENA

Telefónica Móviles España\_k Merkatuen eta Lehiaren Batzorde Nazionalari (CNMC) zuzendutako informazioa eskuratzeko eskabidea aurkeztu zuen. Eskaera horren helburua zen Telefónicari irekitako zigor-espedientearekin lotuta erakundeak Europako Batzordeari bidalitako agiri guztiak ezagutzea.

CNMCk ez zuen erantzunik eman eta Telefónicak erreklamazioa aurkeztu zuen Gardentasunerako eta Gobernu Onerako Kontseiluan, bere eskaerari administrazioaren isiltasunagatik ezezkoa eman zitzaiolako. Alegazioak aurkezteko tramitea irekita, CNMCk adierazi zuen Telefonicari erantzun ziola, baina sarbidea ukatu zion, isilpekotzat jotako dokumentuei eragiten zielako.

Gardentasunerako eta Gobernu Onerako Kontseiluak onartu egin zuen arrazoi formalengatik aurkeztutako erreklamazioa, administrazioak erantzun egin baitzuen hilabeteko epea igarotakoan, eta bere ebazpenean ebatzi zuen ez zegoela eskatutako dokumentazioaren konfidentzialtasunaren presuntzioa indargabetzen zuen inguruabarrik.