LABURPENA

Herritar batek Zientzia, Berrikuntza eta Unibertsitate Ministerioari zuzendutako informazioa eskuratzeko eskaera aurkeztu zuen, ikerketan seiurtekoak onartuta dituzten unibertsitateko irakasleen identifikazio-datuak eta datu profesionalak eskura izateko.

Ministerioak ukatu egin zuen eskaera, datu pertsonalak babesteko eskubideari eragiten diolako.

Erreklamazioa aurkeztu ondoren, Gardentasunerako eta Gobernu Onerako Kontseiluak onetsi egin zuen, zeren eta, datuen babeserako eskubidearen eta informazioa eskuratzeko eskubidearen artean Legeak ezartzen duen ponderazioa eginda, azken eskubide hori gailendu behar baita, Unibertsitateen Lege Organikoak aukera ematen baitu ikerketen emaitzak argitaratzeko unibertsitateetako langileen baimenik gabe. Horrela, LTAIBGren helburua betetzen da.