Un cidadán presentou escrito ante o Ministerio de Dereitos Sociais e Axenda 2030, solicitando acceso a un exemplar asinado polo autor ou autores do informe do IMSERSO sobre anomalías detectadas en relación aos contratos de informática do IMSERSO, elaborado no ano 2018.
A Administración denegou o acceso alegando que a solicitante figura como investigado nun procedemento xudicial e pode acceder ás dilixencias que se efectúen polo Xulgado de Instrución, entre as cales se acha o informe reclamado a través do Portal de Transparencia. Así pois, resulta de aplicación o disposto na Disposición Adicional Primeira, apartado 2, da LTAIBG, non sendo procedente conceder o acceso.
Presentada reclamación, o Consello de Transparencia e Bo Goberno estimouna dado que, conforme a doutrina dos tribunais de xustiza, non resultan de aplicación as previsións do apartado 2 da Disposición adicional primeira da LTAIBG ao caso exposto.
