Recorrente: Sociedade Estatal de Participacións Industriais (SEPI)

Resolución recorrida: R/0374/2024

En exercicio do dereito de acceso á información pública, solicitouse ao SEPI, do Ministerio de Facenda, a listaxe de empresas que solicitaron unha renegociación do crédito recibido con cargo ao Fondo de Apoio á Solvencia de Empresas Estratéxicas e a copia da documentación na que se avalía tal pedimento.

O organismo requirido denegou o acceso ao considerar que existe un réxime xurídico específico de acceso á información que determina o carácter confidencial da información solicitada; que ese carácter confidencial foi confirmado pola xurisprudencia do Tribunal Supremo; e que, aínda en caso de entenderse aplicable a LTAIBG, veríase afectada os límites dos artigos 14.1.h), i) e k).

Presentada a reclamación, o Consello de Transparencia, facendo referencia á existencia de varios pronunciamentos previos sobre asuntos substancialmente idénticos (como a resolución R CTBG 451/2023, do 8 de xuño, ou a R CTBG 477/2023, do 15 de xuño), estímaa parcialmente, entendendo que debe permitirse o acceso á listaxe de empresas que solicitaron unha renegociación para o reintegro dos créditos con cargo ao Fondo de Apoio á Solvencia de Empresas Estratéxicas dos que son beneficiarias e á documentación na que se avalíe este pedimento, con exclusión, neste caso, daquelas partes da información afectada polo límite previsto no artigo 14.1.h) LTAIBG, nos termos expostos na propia resolución.