RESUMO

Un cidadán solicitou ao Ministerio de Industria, Enerxía e Turismo, información sobre as reunións celebradas con ocasión da elaboración do Real Decreto 900/2015, do 9 de outubro, polo que se regulan as condicións administrativas, técnicas e económicas das modalidades de subministración de enerxía eléctrica con autoconsumo e de produción con autoconsumo, incluíndo identificación dos asistentes, as actas e os documentos que se recibiron por terceiras partes.

A solicitude foi denegada ao entender que parte do que se pedía era información de carácter interno e que para responder o resto da solicitude era necesaria unha actividade previa de reelaboración. Presentada reclamación ante o Consello, este resolveu amparando o dereito a coñecer as reunións internas e, no seu caso, con terceiras partes, das que se tivese constancia e, respecto dos informes ou documentos de terceiros, considerouse que debía darse o acceso ás alegacións formuladas nos trámites de audiencia levados a cabo durante a tramitación.

O solicitante, ao entender que a resolución do Consello de Transparencia e Bo Goberno non amparaba na súa totalidade a solicitude formulada, interpuxo recurso contencioso-administrativo.

Estado: Xa hai sentenza do xulgado central contencioso-administrativo nº7 de Madrid a favor da resolución do Consello de Transparencia e Bo Goberno e sentenza en apelación que confirma a anterior.