RESUMO

A Xunta de Persoal da AEAT presentou solicitude de acceso á información dirixida á Axencia Estatal de Administración Tributaria, que tiña por obxecto coñecer os obxectivos asignados e a repartición de produtividades nos anos 2015 e 2016 na Delegación de Valencia.

A Axencia contestou á solicitude de acceso manifestando que para os representantes do persoal existía un réxime de acceso especifico á información, non sendo aplicable por iso a Lei 19/2013, do 9 de decembro, de transparencia, acceso á información publica e bo goberno. A Xunta de Persoal presentou Reclamación ante o Consello de Transparencia e Bo Goberno (CTBG) solicitando a entrega da información. Aberto o trámite de alegacións, a Axencia ratificouse nas súas anteriores conclusións.

O CTBG estimou a Reclamación presentada e considerou que non existe tal réxime de acceso especifico á información, como se acordou nunha Resolución previa co mesmo contido. No entanto, esta foi recorrida aos tribunais de xustiza, polo que a execución da presente Resolución queda supeditada a que exista un previo pronunciamento xudicial sobre o asunto anterior.