Un cidadán solicitou copia auténtica de determinada información contida nun expediente disciplinario que afectaba a dous policías locais. En resposta á solicitude, proporcionóuselle ao interesado a información pero, segundo escrito de reclamación presentado ante o Consello, a información recibida non eran copias auténticas. O Consello de Transparencia e Bo Goberno considerou que non estabamos ante un suposto de dereito de acceso do art. 13 da lei de transparencia e que, en calquera caso, serían de aplicación as disposicións contidas na lei de procedemento administrativo relativas aos dereitos que asisten aos interesados nun procedemento.