RESUMO

Un cidadán presentou solicitude de acceso á información dirixida ao Ministerio de Fomento, que tiña por obxecto coñecer o listado de modificados, obras complementarias e outros custos adicionais das obras adxudicadas polo Ministerio de Fomento entre 2008 e a actualidade. O cidadán recorreu ao Consello de Transparencia, que emitiu unha resolución a favor de facilitar a información.

A resolución do Consello de Transparencia entendía que non é necesaria unha acción previa de reelaboración para dar os datos das modificacións dos contratos adxudicados polo Ministerio de Fomento. En efecto, fronte ao principal argumento da Administración que consideraba que, ao non haber un repositorio único que incluíse a información solicitada e ser varios os órganos de contratación, a información debía reelaborarse para poder proporcionala, incorrendo así na causa de inadmisión do art. 18.1 c) da lei de transparencia, o Consello entendeu que a información existe e non debe reelaborarse. E iso por canto o propio art. 8.1 a) da Lei prevé a publicación activa, isto é, de oficio, das modificacións dos contratos que se realicen. Así, entendendo que esta obriga está vixente desde decembro de 2014, data da entrada en vigor da lei de transparencia, estimouse que debía proporcionarse a información sobre as modificacións realizadas a partir desa data.