Un cidadán presentou solicitude de acceso ante a Corporación RTVE para obter información sobre as retribucións cobradas polo persoal directivo e resto de altos cargos de RTVE.
a Corporación RTVE entregou información parcial, indicando unicamente o gasto en salario para cada ano e cada posto, pero sen indicar a persoa que o cobra, alegando protección de datos persoais.
Presentada reclamación, o Consello de Transparencia e Bo Goberno estimouna, por non resultar de aplicación ao presente caso o limite da protección de datos, xa que segundo o criterio interpretativo 1/2015, débese proporcionar a información sobre a retribución anual bruta percibida polo persoal directivo da Corporación RTVE, con identificación do perceptor, o literal do posto do organigrama e a súa retribución realmente percibida para todo o persoal que ocupase un posto de dirección e subdirección neste período. Así mesmo, sinálase que esta información debe ser proporcionada en cómputo anual e en termos íntegros, sen incluír deducións nin desagregación de conceptos retributivos.
