Recorrente: SEPI

Resolución recorrida: R/0155/2022

En exercicio do seu dereito de acceso á información, un cidadán presentou escrito ante a Sociedade Estatal de Participacións Industriais (SEPI), adscrita ao Ministerio de Facenda e Función Pública, solicitando copia do expediente solicitude e acordo de concesión de rescate da Aerolínea Plus ultra.

O organismo requirido ditou resolución denegatoria do acceso solicitado alegando, en primeiro lugar, a existencia dun réxime xurídico específico establecido no artigo 2.17 do Real Decreto Lei 25/2020, do 3 de xullo, que despraza a aplicación da Lei de Transparencia; e, en segundo lugar, a concorrencia dos límites previstos nos artigos 14.1.f), h), i) e k) LTAIBG —en relación coa protección, respectivamente, da igualdade das partes nos procesos xudiciais e a tutela xudicial efectiva; dos intereses económicos e comerciais; do segredo profesional e a propiedade intelectual e industrial; e da garantía da confidencialidade—.

Presentada reclamación, o Consello de Transparencia e Bo Goberno estímaa parcialmente remarcando que, aínda que o artigo 2.17 do citado Real Decreto constitúa un réxime específico (polo menos no que concirne á reserva de confidencialidade que establece), nin impide a aplicación subsidiaria da Lei de Transparencia, nin a reserva de confidencialidade ha de entenderse en termos absolutos. Sinala, a seguir, que non resulta de aplicación o límite ao acceso previsto no artigo 14.1.h) LAITBG (intereses económicos e comerciais) dado o elevado interese público en coñecer a xustificación dos concretos orzamentos para obter as axudas (permitíndose, con todo, a exclusión da información contable ou aquela que evidencie as súas estratexias comerciais ou vaia en detrimento da súa posición fronte aos competidores). Descártase, así mesmo, a concorrencia dos límites previstos no artigo 14.1.,k),