Recorrente: Ministerio de de Igualdade
Resolución recorrida: R CTBG 0709/2026
En exercicio do dereito de acceso á información pública, solicitouse ao MINISTERIO DE IGUALDADE o acceso á documentación correspondente aos contratos subscritos, tanto polo Ministerio como polos seus organismos adscritos, durante os exercicios 2024 e 2025, e especialmente os de comunicación institucional, publicidade, contratos menores, estudos de investigación e asistencia técnica vinculados a programas de igualdade e violencia de xénero, contratos informáticos sobre ferramentas de xestión e seguimento.
O Ministerio ditou resolución na que acordou conceder o acceso, achegando dous arquivos PDF, que segundo manifesta inclúen á súa vez a información correspondente aos expedientes de gasto dos Capítulos 2 e 6, desagregada por Centro Xestor, para a súa procura posterior na Plataforma de Contratación do Sector Público (PLASP). Posteriormente, en fase de alegacións facilita varias ligazóns directas á esta Plataforma, correspondentes a diversos órganos do Ministerio.
O Consello estima a reclamación, ao considerar que a remisión xenérica á PLACSP non satisfai o dereito de acceso cando o solicitado é a copia íntegra dos expedientes contractuais. O Consello lembra que o artigo 22.3 da Lei de Transparencia só permite remitir ao solicitante a información previamente publicada cando esta remisión sexa precisa e permita acceder directamente á información solicitada. Así mesmo, destaca que as obrigas de publicidade activa en materia de contratación non esgotan o contido do dereito de acceso á información pública e que a amplitude da solicitude non xustifica a súa denegación, ao non acreditarse unha carga de traballo desproporcionada.