RESUMO

Un cidadán presentou unha solicitude de acceso á información dirixida a Correos e Telégrafos, S.A. co obxectivo de coñecer as indemnizacións por notificacións postais fóra do prazo estipulado nos contratos públicos, ademais das mal notificadas formalmente.

Correos e Telégrafos, S.A. denegou a información, por considerar que era abusiva, ao non ser acorde coa finalidade da lei de transparencia.

Presentada reclamación, o Consello de Transparencia e Bo Goberno estimouna, dado que a información solicitada debe considerarse incardinada dentro da finalidade perseguida pola lei de transparencia, xa que permite coñecer baixo que criterios actúan as nosas institucións e como se manexan os fondos púbicos. Tampouco se aprecia que afecte os intereses económicos e comerciais de Correos e Telégrafos, S.A. posto que esta presta o servizo en exclusiva.