RESUMO

A reclamación presentouse sen verse acompañada da correspondente solicitude de dereito de acceso á información pública presentada polo reclamante, que dese fe de que esta fora presentada e permitise analizar por parte do Consello se se cumpría co disposto na Lei 19/2013, do 9 de decembro, de transparencia, acceso á información pública e bo goberno. Así mesmo, o reclamante non achegou ningunha dirección de contacto, nin telefónica, nin postal ou electrónica, que permitise o envío de comunicacións nin, neste caso, poder emendar as deficiencias existentes na reclamación.

Ante esta falta de información, este Consello púxose en contacto coa Axencia de Vivenda Social para os efectos de que esta lle indicase a solicitude de información non atendida e que dera orixe á reclamación do interesado. A Axencia de Vivenda Social non foi capaz de identificar solicitudes recentes polo que, ante a imposibilidade de contactar co reclamante, a reclamación non chegou a tramitarse nin se puido abrir o correspondente expediente administrativo.

Por esta situación o reclamante presentou recurso contencioso-administrativo que foi comunicado ao CTBG polo Xulgado mediante oficio do 27 de outubro de 2019.