Nesta categoría, que non engloba aos ministerios, inclúense organismos autónomos, entidades públicas empresariais, sociedades mercantís estatais, fundacións públicas, universidades públicas non transferidas, entidades de dereito público e mutuas colaboradoras coa Seguridade Social.

O Índice medio de Cumprimento da Información Obrigatoria (ICIO) para o conxunto das entidades analizadas foi de só o 38,9%, se ben existe unha gran disparidade no grao de cumprimento segundo a entidade, con algunhas que logran niveis moi altos ou notables de cumprimento e outras que presentan aínda enormes carencias.

Con este indicador, o Consello mide o seu grao de cumprimento da obriga que establece a Lei de Transparencia de publicar nos seus portais web e manter actualizada a información que permite á cidadanía fiscalizar a súa xestión e actividade: a normativa que lles aplica, os seus orzamentos, contratos e subvencións, quen son os seus máximos responsables, a súa formación e experiencia, as súas retribucións...

Entre os motivos que explican a baixa puntuación media alcanzada por este grupo de entidades destaca a falta de publicación de informacións obrigatorias – non se publica o 59,4% delas – e a carencia de referencias que posibilite aos usuarios coñecer o grao de actualización da información publicada.

Un total de 71 das entidades xa foran analizadas por primeira vez en 2024 sen alcanzar na esta avaliación o 75% de cumprimento, polo que foron revisadas de novo. Naquela avaliación, como en todas as que realiza o Consello, formulóuselles unha serie de recomendacións específicas para que puidesen mellorar o cumprimento da súa transparencia activa.

De as 1.278 indicacións efectuadas a esas entidades, aplicáronse unicamente 429. As catro entidades que aplicaron todas as recomendacións lograron alcanzar en 2025 un cumprimento do 100%: Fundación Thyssen-Bornemisza, Autoridade Portuaria de Bilbao, Mutua Universal MUGENAT e Sainsel Sistemas Navales. Palencia Alta Velocidad, que foi avaliada por primeira vez este exercicio, alcanzou tamén pleno cumprimento.

O Consello lembra aos responsables das entidades públicas que non alcanzaron o pleno cumprimento dos mandatos de transparencia contidos na LTAIBG que se trata de obrigas legais de carácter vinculante que están vixentes desde o 10 de decembro do ano 2014 e exhórtalles/exhótalles a cumprir coa lei sen dilación, proporcionándolles unha serie de recomendacións específicas para facilitar a tarefa.

O informe coas principais conclusións e os 225 informes individuais, xunto con as observacións que, no seu caso, formularon as entidades e os informes de contestación do Consello a estas alegacións, están dispoñibles nesta ligazón.

Con esta avaliación cuxos resultados acaba de publicar o Consello, todas as entidades do sector público institucional estatal foron obxecto de, polo menos, unha avaliación por parte da institución.

Toda a avaliación realizouse con recursos propios do Consello utilizando a metodoloxía MESTA, desenvolvida conxuntamente coa extinta Axencia Estatal de Avaliación das Políticas Públicas e a Calidade dos Servizos (AEVAL).