RESUMO

Un cidadán presentou solicitude de acceso á información dirixida ao Ministerio de Facenda e Administracións Públicas (actual Ministerio de Facenda e Función Pública), que tiña por obxecto coñecer os intercambios de cartas con outros estados realizados desde a entrada en vigor da Constitución, relativos a convenios de dobre imposición e ao intercambio de información en materia fiscal.

O Ministerio manifestou que os tratados internacionais, como norma xurídica, deben ser obxecto de publicación no Boletín Oficial do Estado. Conforme ao anterior, débese inadmitir a solicitude, na medida en que os intercambios de cartas aos que alude a mesma son subsumibles no artigo 18.1 a) da Lei de Transparencia.

O Consello desestimou a reclamación porque a publicación do intercambio de Cartas polo que se interesa o solicitante está a se tramitar no BOE, pero declarou que o Ministerio debe informar ao reclamante acerca de se se produciu o envío ao BOE dos intercambios de cartas a que se refire a solicitude e, neste caso, a data en que está prevista a publicación.